Azərbaycan və Qvineya-Bisau arasında kənd təsərrüfatı sahəsində əməkdaşlıq haqqında Anlaşma Memorandumu imzalanıb.

Kənd Təsərrüfatı Nazirliyinin məlumatına görə, sənədi nazir Məcnun Məmmədov və Qvineya-Bisaunun ətraf mühit, biomüxtəliflik və iqlim dəyişikliyi üzrə fəaliyyətlər naziri Viriato Luis Soares Cassama imzalayıblar.

Anlaşma Memorandumunda aqrar sahədə aşağıda göstərilən əməkdaşlıq istiqamətləri əksini tapıb:

- birgə İşçi Qrupun yaradılması;

- prioritet istiqamətlər üzrə birgə investisiya layihələrinin həyata keçirilməsi;

- kənd təsərrüfatı torpaqlarının səmərəli istifadəsi;

- ticarət əlaqələrinin qurulması məqsədilə ixrac potensiallı kənd təsərrüfatı məhsulları barədə məlumat mübadiləsi;

- rəqəmsallaşdırma;

- yeni texnologiyalar barədə məlumat mübadiləsi;

- aqrar sığorta sahəsində təcrübənin paylaşılması;

- aqrar tədqiqat;

- ticarət missiyalarının təşkili;

- özəl sektor arasında əlaqələrin gücləndirilməsi.