İslam İnkişaf Bankı Qrupunun Müdirlər Şurasının Plenar Sessiyası keçirilib

“İslam İnkişaf Bankı Qrupunun Müdirlər Şurasının Plenar Sessiyasında iştirak etdik. Tədbir çərçivəsində Qrupa daxil olan qurumların illik toplantıları keçirildi, üzv ölkələr üçün 2026-2035-ci illəri əhatə edən dayanıqlı inkişaf planı barədə məlumat verildi”.

Bu barədə sosial şəbəkə hesablarında paylaşım edən iqtisadiyyat naziri Mikayıl Cabbarov bildirib ki, sənəddə infrastrukturun, özəl sektorun və insan kapitalının inkişafı, maliyyəyə çıxış imkanlarının artırılması, ərzaq və su təhlükəsizliyi, ticarətin inteqrasiyası kimi məsələlər öz əksini tapıb.