Vətəndaş müraciətləri əsasında 20 inzibati xəta haqqında protokol tərtib edilib
Bu ilin yanvar-aprel ayları ərzində vətəndaş müraciətlərinin araşdırılması zamanı təqdim olunmuş sübutlara əsasən Antiinhisar və İstehlak Bazarına Nəzarət Dövlət Agentliyi tərəfindən 11 hüquqi, 6 fiziki şəxs barəsində ümumilikdə 20 inzibati xəta haqqında protokol tərtib edilib.
Agentliyin mılumatına görə, tərtib edilən protokollar üzrə qanunamüvafiq tədbirlər görülüb.
Tərtib edilən protokolların pozuntuya görə bölgüsü:
- Malın (xidmətin) ölçüsünə, çəkisinə, hesabına, habelə istehlak xüsusiyyətinə və ya keyfiyyətinə dair istehlakçıların az miqdarda aldadılmasına görə – 13;
- Qanunvericikdə nəzərdə tutulan hüquqlarla müqayisədə istehlakçıların hüquqlarını məhdudlaşdıran şərtlərin müqaviləyə daxil edilməsinə görə – 2;
- Satılan malların dəyişdirilməsi və ya geri qaytarılması qaydalarının pozulmasına görə – 2;
- Dərman vasitələrinin Tarif (qiymət) Şurası tərəfindən müəyyən edilən qiymətdən fərqli qiymətə (baha) satılmasına görə – 1;
- Müvafiq icra hakimiyyəti orqanlarının vəzifəli şəxslərinin qanuni yazılan tələblərinin yerinə yetirilməməsinə görə – 1;
- Saxlama müddəti ötürülmüş malların satılmasına görə – 1.
