Bu ilin yanvar-mart ayları ərzində ölkəyə 199,9 milyon ABŞ dolları dəyərində 10 120 ədəd daxili yanma mühərriklə yanaşı elektrik mühərriklə də hərəkətə gətirilən nəqliyyat vasitələri (hibrid avtomobillər) idxal edilib.

Dövlət Gömrük Komitəsinin hesabatına əsasən, bu, 2024-cü ilin eyni dövrünün göstəricilərini dəyər ifadəsində 69,5 faiz və ya 81,9 milyon dollar, say baxımından isə təqribən 2,8 dəfə və ya 6,5 min ədəd üstələyir.

Ümumilikdə cari ilin ilk rübündə ölkəyə 400,2 milyon dollar (+10,9 faiz) dəyərində 22,9 mindən (+17,2) çox nəqliyyat vasitəsi idxal edilib. Hesabat dövründə avtomobil idxalının strukturunda hibrid avtomobillərin payı 44,1 faiz təşkil edib ki, bu da bir il öncəki göstəricidən 25,6 faiz bəndi çoxdur.