2024-cü il ərzində bank sektorunun kreditləşmə fəaliyyətində yüksək aktivlik həm istehlak, həm də biznes portfeli üzrə müşahidə olunub.

Bu barədə Azərbaycan Mərkəzi Bankının 2024-cü ilin yekununa dair “Maliyyə sabitliyi hesabatı”nda bildirilir.

Belə ki, il ərzində kredit portfelinin artım tempi (18,5 faiz) nominal qeyri-neft ÜDM-in artım tempini 1,7 dəfəyədək üstələyib. Sektor üzrə 19 bankın kredit portfeli ötən illə müqayisədə artıb, 15 bankda isə kredit portfelinin artımı nominal qeyri-neft ÜDM artımının üzərində olub. 12 bankda artım 15 faizi üstələyib.

Bank sektorunun dayanıqlığını artırmaq və kreditləşmə fəaliyyətinin fasiləsizliyini təmin etmək məqsədilə 2025-ci ilin 1 mart tarixindən etibarən bankların məcmu və 1-ci dərəcəli kapitalı üzərində 0,5 faiz həddində əlavə kontr-tsiklik kapital buferi təyin edilməsi ilə bağlı qərar qəbul edilib.