“Azərbaycan Hava Yolları” (AZAL) QSC-nin prezidenti Samir Rzayev ilə Moldova Baş nazirinin müavini Vladimir Bolea arasında keçirilən görüşdə Bakı–Kişineu marşrutu üzrə uçuşların sayının artırılması və aviasiya sahəsində gələcək əməkdaşlıq imkanları müzakirə olunub.

QSC-nin məlumatına görə, apreldən reyslər həftədə 5 dəfəyə çatdırılıb, maydan isə gündəlik olacaq.

2024-cü ildə bu marşrut üzrə 49 mindən çox sərnişin daşınıb. Tərəflər əməkdaşlığın daha da dərinləşdirilməsinə hazır olduqlarını bildiriblər.