Bu ilin 19-21 avqust tarixlərində Belarus Respublikasının Təbii Sərvətlər və Ətraf Mühitin Mühafizəsi Nazirliyi və “BelExpo” Milli Sərgi Mərkəzinin təşkilatçılığı ilə Minsk şəhərində “ECOLOGY EXPO – 2025” ixtisaslaşmış beynəlxalq sərgi keçiriləcək.

İxracın və İnvestisiyaların Təşviqi Agentliyinin (AZPROMO) məlumatına görə, ekoloji təşəbbüslərin tətbiqi və reallaşdırılması, tullantıların emalı texnologiyaları, bərpaolunan enerji istehsalı, ekoloji təmiz məhsullar, aqrar-sənaye kompleksi, suyun təmizlənməsi sistemləri, təbiətin və ətraf mühitin mühafizəsi sahələrinin nümayəndələrinin qatılacağı sərginin proqramına elmi təcrübə mübadiləsi, davamlı inkişaf və təbii sərvətlərin səmərəli idarə edilməsi sahəsində perspektivli və innovativ təkliflərin və həllərin işlənib hazırlanmasına yönəlmiş müxtəlif işgüzar tədbirlər daxildir.

Qeyd olunan sahələrdə fəaliyyət göstərən Azərbaycan şirkətləri sözügedən sərgidə stend ilə və ya işgüzar proqramlarda iştirak etməyə dəvət olunurlar.

Əlavə məlumat üçün: Tel.: +375 29 886 15 13,

E-mail: [email protected],

Web: www.ecologyexpo.by,

Əlaqələndirici şəxs: Yelena Artomyeva