Naxçıvan Muxtar Respublikasının Sahibkarlığın İnkişafı Fondu tərəfindən 2024-cü ilin yanvar-oktyabr ayları ərzində ayrılan maliyyə dəstəyinin əhəmiyyətli hissəsi sənaye və kənd təsərrüfatı sahələrinə yönəlib.

Muxtar Respublikanın İqtisadiyyat Nazirliyinin məlumatına görə, hesabat dövründə layihələrin maliyyələşdirilməsinə 2,76 milyon manatdan çox vəsait sərf olunub.

Verilən kreditlərin 75,9 faizi sənaye sektorunun, 16,9 faizi müxtəlif kənd təsərrüfatı sahələrinin inkişafının, 7,2 faizi xidmət sektorunu dəstəkləyən layihələrin payına düşüb.