Betondan yığma tikinti konstruksiyalarının istehsalı artıb
Bu ilin yanvar-sentyabr aylarında ölkədə 28,5 min kubmetr betondan yığma tikinti konstruksiyaları istehsal edilib.
Dövlət Statistika Komitəsinin hesabatına əsasən, ötən ilin eyni dövrünün göstəricisi ilə müqayisədə istehsal 36,4 faiz və ya 7,6 min kubmetr artıb.
Cari ilin avqust ayı ilə müqayisədə isə sentyabrda istehsal həcmində 39,4 faiz və ya 1,3 min kubmetr artım qeydə alınıb. Sentyabr ayında 4,6 min kubmetr betondan yığma tikinti konstruksiyaları istehsal olunub.
