Siyəzən rayonunda kənd təsərrüfatı təyinatlı məhsul və texnologiyaların sərgiləndiyi növbəti Aqrar Biznes Festivalı keçirilib.

Kənd Təsərrüfatı Nazirliyinin məlumatına görə, festivalda toxum sərgi-satış yarmarkası və kredit yarmarkası təşkil edilib.

Festivalda ölkədə fəaliyyət göstərən və aqrar sektorun müxtəlif sahələri üzrə ixtisaslaşmış dövlət və özəl bölməni təmsil edən qurum və şirkətlər iştirak ediblər.

Festivalda kənd təsərrüfatı təyinatlı texnikalar, müasir suvarma metod və texnologiyaları, gübrə, pestisid nümunələri, aqrar sahəyə məxsus digər məhsullar, eləcə də COP29 təşəbbüsünün prioritetlərinə uyğun məhsullar sərgilənib. Sərgi bölməsində ənənəvi məhsullarla yanaşı, alternativ enerji qurğuları, ekoloji məhsullar, iqlim dəyişikliyinə davamlı yerli meyvə-tərəvəz toxumları nümayiş olunub.