Mikro, kiçik və orta sahibkarlıq subyektlərinin təhsil, elm, tədqiqat və dəstək layihələrinin maliyyələşdirilməsinə dəstək məqsədilə Kiçik və Orta Biznesin İnkişafı Agentliyi (KOBİA) tərəfindən 6-cı qrant müsabiqəsi elan edilib.

Agentliyin məlumatına görə, müsabiqə Nazirlər Kabinetinin 30 sentyabr 2020-ci il tarixli Qərarı ilə təsdiq edilmiş “Mikro, kiçik və orta sahibkarlığın inkişafı ilə əlaqədar təhsil, elm, tədqiqat və dəstək layihələrinin maliyyələşdirilməsi Qaydası”na uyğun olaraq keçirilir. Hər bir layihə üzrə maliyyələşdirilmə məbləği maksimum 20 min manat həcmində nəzərdə tutulur. Layihə sənədlərinin qəbulu 24 sentyabr saat 09:00-dan 23 oktyabr saat 18:00-dək aparılacaq. Müsabiqənin şərtləri ilə KOBİA-nın rəsmi səhifəsindən tanış olmaq olar: https://u.to/YOLgIA

Müsabiqənin nəticələri barədə məlumat 25 noyabr tarixindən sonra KOBİA-nın smb.gov.az rəsmi internet səhifəsində yerləşdiriləcək.