Sentyabrın sonunda Ulyanovsk-Bakı-Astara (İran) ilk ixrac qatarı Ulyanovskdan yola düşəcək.

Bu barədə Ulyanovsk qubernatoru Aleksey Russkix öz Teleqram kanalında məlumat verib.

Onun sözlərinə görə, söhbət “Orta Volqa-Xəzər dənizi-Fars körfəzi” logistika layihəsinin qərb dəmir yolu dəhlizindən gedir.

“Bu günlərdə Rusiya Dəmir Yolları və Azərbaycan Dəmir Yollarından razılıq aldıq. İl ərzində 200 min tondan çox məhsulun ixracı və idxalı nəzərdə tutulur. Biz əks istiqamətdə yükləmə məsələsi üzərində işləyirik”, - A.Russkix qeyd edib.