Bu ilin yanvar-aprel aylarında Azərbaycanın Lüksemburq ilə ticarət dövriyyəsinin ümumi həcmi 10,5 faiz artaraq 17,1 milyon dolları üstələyib.

Dövlət Gömrük Komitəsinin hesabatına görə, cari ilin ilk 4 ayında Azərbaycandan Lüksemburqa 15,7 milyon dollar dəyərində məhsul ixrac edilib ki, bu da 2023-cü ilin göstəricisindən 11,1 faiz çoxdur.

Lüksemburqdan Azərbaycana idxal edilən məhsulların dəyəri isə 4,7 faiz artaraq 1,3 milyon dollar təşkil edib.

2024-cü ilin yanvar-aprel aylarının nəticələrinə görə, ölkənin ümumi ticarət dövriyyəsində Lüksemburqla ticarətin payı 0,12 faiz təşkil edib ki, bu da bir il öncəki göstəricidən 0,04 faiz bəndi çoxdur.