Bu ilin yanvar-aprel aylarında Azərbaycandan Tailanda 203,1 milyon ABŞ dolları dəyərində 327 min ton bitumlu süxurlardan alınan xam neft və xam neft məhsulları ixrac olunub.

"Azərbaycan iqtisadiyyatı" Teleqram kanalının Dövlət Gömrük Komitəsinin hesabatı əsasında apardığı hesablamalara görə, bu, 2023-cü ilin eyni dövrünün göstəricilərini dəyər ifadəsində 13 dəfə (187,6 milyon dollar), həcm baxımından isə 10,8 dəfə (296,7 min ton) üstələyir.

Qeyd edək ki, cari ilin ilk 4 ayı ərzində ölkədən ümumilikdə 4,36 milyard dollar dəyərində 6,92 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Tailand 7-ci yerdə qərarlaşıb və ixrac həcminin 4,7 faizi məhz bu ölkənin payına düşüb.