Bu ilin yanvar-mart ayları ərzində Bakı KOB evində sahibkarlara göstərilən xidmətlərin 90 faizindən çoxu dövlət qurumları tərəfindən təqdim edilib.

Bu barədə Kiçik və Orta Biznesin İnkişafı Agentliyin (KOBİA) İdarə Heyətinin sədri Orxan Məmmədov sosial şəbəkə hesabında yazıb.

Bildirilib ki, bu xidmətlərin 72 mindən çoxunu 10 qurum göstərib. İlk beşliyə 79,82 faizlə Rəqəmsal İnkişaf və Nəqliyyat Nazirliyi (göstərilən xidmətlərin sayı – 64 133 əd.), 7,19 faizlə Antiinhisar və İstehlak Bazarına Nəzarət Dövlət Xidməti (5778 əd.), 1,47 faizlə Dövlət Vergi Xidməti (1183 əd.), 0,37 faizlə Fövqəladə Hallar Nazirliyi (297 əd.) və 0,37 faizlə Dövlət Gömrük Komitəsi (296 əd.) daxildir.

“Sahibkarlar KOB Evinə biznes üçün zəruri sənədlər, vergi, gömrük və s. ilə bağlı müraciət ediblər”, - O.Məmmədov qeyd edib.