Türk Dövlətləri Təşkilatına (TDT) üzv ölkələrin rəqabət orqanlarının təşəbbüsü ilə Türk Dövlətləri Rəqabət Şurası yaradılıb.

“Azərbaycan iqtisadiyyatı” Teleqram kanalı Türkiyə mətbuatına istinadən xəbər verir ki, bu barədə qərar təşkilata üzv ölkələrin Türkiyədə keçirilən iclasında qəbul edilib.

Qeyd olunur ki, Şuraya 3 il ərzində Türkiyə sədrlik edəcək. Qurumun yol xəritəsinin artıq hazır olduğu bildirilir. Şuranın növbəti iclasının Şuşa şəhərində keçirilməsi nəzərdə tutulur.