Bu ilin yanvar-sentyabr aylarında Azərbaycandan Türkiyəyə 627 milyon ABŞ dolları dəyərində 1,1 milyon tondan çox bitumlu süxurlardan alınan xam neft və xam neft məhsulları ixrac olunub.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, bu, 2022-ci ilin eyni göstəricilərini dəyər ifadəsində 2,9 dəfə və ya 415 milyon dollar, həcm baxımından isə 3,1 dəfəyədək və ya 749,9 min ton üstələyir.

Təkcə cari ilin sentyabr ayında bu ölkəyə 15,6 milyon dollar dəyərində 30,1 min ton xam neft məhsulları ixrac edilib ki, bu da avqust ayı ilə müqayisədə dəyər ifadəsində 17,2 faiz, həcm olaraq isə 12,9 faiz azdır.