Bu ilin yanvar-sentyabr ayları ərzində verilən güzəştli kreditlərin məbləğə görə regionlar üzrə bölgüsündə 27,6 milyon manat Bakı şəhəri və Abşeron iqtisadi rayonunun, 74,3 milyon manat isə digər regionların payına düşüb. Bu barədə Sahibkarlığın İnkişafı Fondu məlumat yayıb.

Xatırladaq ki, 2023-cü ilin ilk 9 ayı ərzində sahibkarların 2105 layihəsinin maliyyələşdirilməsinə 101,9 milyon manat güzəştli kredit ayrılıb.

Verilən kreditlər hesabına 1505 yeni iş yerinin yaradılması nəzərdə tutulur.