Bu ilin yanvar-sentyabr aylarında ölkədə 2110 ədəd minik avtomobili istehsal olunub.

"Azərbaycan iqtisadiyyatı" Teleqram kanalının Dövlət Statistika Komitəsinin hesabatı əsasında apardığı hesablamalara görə, ötən ilin eyni dövrünün göstəricisi ilə müqayisədə avtomobil istehsalı 39,7 faiz və ya 600 ədəd artıb.

Cari ilin avqust ayı ilə müqayisədə isə sentyabrda istehsal həcmində 2,2 dəfə artım qeydə alınıb. Sentyabr ayında ölkədə 168 ədəd minik avtomobili istehsal olunub. Oktyabr ayının 1-nə hazır məhsul ehtiyatı 497 avtomobil təşkil edib.