Yaxın günlərdə süni intellektlə bağlı “Yeni Nəsil İqtisadiyyat Strategiyası”nın detalları və bu istiqamətdə görüləcək işlərlə bağlı məlumatlar ictimaiyyətə acıqlanacaq.

"Azərbaycan iqtisadiyyatı" Teleqram kanalı xəbər verir ki, bu barədə İqtisadiyyat Nazirliyinin tabeliyindəki Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov jurnalistlərə açıqlamasında deyib.

Onun sözlərinə görə, həmçinin, elm və sənaye klasterinin qurulması ilə bağlı universitetlərlə birgə əməkdaşlıq istiqamətində görülən işlər barədə ətraflı danışılacaq.

“Süni intellekt istiqamətində dünya ölkələri ilə birgə hazırladığımız strategiyanın ilkin layihəsini ictimaiyyətə təqdim edəcəyik”, - deyə F.Cəfərov qeyd edib.

O əlavə edib ki, hazırda süni intellekt bir sıra sahələrdə - kənd təsərrüfatı, idman, elektron hökumət portalı, gömrük, SOCAR və digər qurumlarda müxtəlif layihələrin icrasında tətbiq edilir.