Kiçik və Orta Biznesin İnkişafı Agentliyində (KOBİA) Azərbaycan Qida və İçki Sənayeçiləri Assosiasiyası (AQİSA) ilə görüş keçirilib.

Görüşdə KOBİA-nın İdarə Heyətinin sədri Orxan Məmmədov və assosiasiyaya üzv olan sahibkarlar iştirak ediblər.

Görüşdə qida və içki istehsalı və ixracı ilə məşğul olan sahibkarlarla biznes fəaliyyətinə, iş adamlarının qarşılaşdıqları ehtiyac və çətinliklərə dair fikir mübadiləsi aparılıb. Həmçinin görüşdə laborator analizlərin aparılması, idxal-ixrac əməliyyatları, ət kəsimi prosesi, qanunvericiliyin təkmilləşdirilməsi prosesində ictimai iştirakçılıq, istehsal və ixrac prosedurlarına dair biznes ictimaiyyətinin məlumatlandırılması tədbirləri və s. barədə sahibkarların təklifləri dinlənilib, KOBİA-nın qeyd edilən istiqamətdə dəstəyinə dair müzakirələr aparılıb.