Bu ilin yanvar-iyul aylarında Azərbaycanın Qətərlə ticarət dövriyyəsinin ümumi həcmi 3,29 milyon ABŞ dolları və ya 3 dəfəyədək artaraq 4,9 milyon dolları üstələyib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk 7 ayında Azərbaycandan Qətərə 1,67 milyon dollar dəyərində məhsul ixrac edilib ki, bu da 2022-ci ilin eyni göstəricisindən 75,9 faiz və ya 721,69 min dollar çoxdur.

Qətərdən Azərbaycana idxal edilən məhsulların dəyəri isə 4,6 dəfəyədək və ya 2,57 milyon dollar artaraq 3,29 milyon dollar təşkil edib.

Cari ilin yanvar-iyul aylarının nəticələrinə görə, ölkənin ümumi ticarət dövriyyəsində Qətərlə ticarətin payı 0,01 faiz təşkil edib.