Bu ilin yanvar-iyul aylarında Azərbaycandan Çexiyaya 524,6 milyon ABŞ dolları dəyərində 906,4 min ton bitumlu süxurlardan alınan xam neft və xam neft məhsulları ixrac olunub.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci ilin eyni göstəricilərini dəyər ifadəsində 10,8 faiz (51,36 milyon dollar), həcm baxımından isə 50,9 faiz (305,8 min ton) üstələyir.

Təkcə cari ilin iyul ayında bu ölkəyə 97,57 milyon dollar dəyərində 207,6 min tondan çox xam neft məhsulları ixrac edilib ki, bu da iyun ayı ilə müqayisədə dəyər ifadəsində 2,1 dəfə (52,36 milyon dollar), həcm olaraq isə 2,3 dəfə (117,46 ton) çoxdur.