Bu ilin yanvar-iyul aylarında Azərbaycandan 26,2 milyon ABŞ dolları dəyərində 462 min ton hazır və ya klinker formasında sement ixrac edilib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci ilin müvafiq dövrünün göstəriciləri ilə müqayisədə dəyər ifadəsində 9,52 milyon dollar və ya 56,9 faiz, həcm baxımından isə 82,6 min ton və ya 21,8 faiz çoxdur.

Təkcə cari ilin iyul ayında ölkədən 5,23 milyon dollar dəyərində 90,29 min ton sement ixrac edilib ki, bu da iyun ayı ilə müqayisədə dəyər ifadəsində 129,59 min dollar (2,4 faiz) az, həcm olaraq isə 571,31 ton (0,6 faiz) çoxdur.

2023-cü ilin ilk 7 ayı ərzində sementin ümumi ixracda xüsusi çəkisi 0,13 faizə, qeyri-neft məhsullarının ixracında çəkisi isə 1,31 faizə bərabər olub.