Bu ilin yanvar-iyul ayları ərzində ölkəyə 164 684,85 min ABŞ dolları dəyərində 578 003,70 ton buğda idxal edilib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, ötən ilin müvafiq dövrü ilə müqayisədə ölkəyə idxal edilən buğdanın dəyəri 6,5 faiz, həcmi isə 34,5 faiz artıb.

Cari ilin iyun ayına nisbətdə isə iyulda buğdanın ixrac dəyəri 79,3 faiz, həcmi isə 97 faiz artaraq müvafiq olaraq 19 119,8 min dollar və 84 793,49 ton təşkil edib.

Qeyd edək ki, bu ilin ilk 7 ayı ərzində buğda idxalı ölkənin ümumi idxalının 1,72 faizinə bərabər olub ki, bu da ötən ilin eyni göstəricisindən 0,34 faiz bəndi azdır.