Sentyabrın 20-21-də Bakıda “Qara Dəniz - Xəzər Logistika Forumu 2023: dəhlizlər, yüklər, infrastruktur” adlı beynəlxalq konfrans və sərgi keçiriləcək.

“vergiler.az” tədbirin təşkilatçısı “RDL Group”a istinadən xəbər verir ki, konfransa qatılmaq üçün dünyanın 15 ölkəsindən 100-dən çox iştirakçı qeydiyyatdan keçib.

Forum çərçivəsində Qara dəniz və Xəzər regionlarının logistika sənayesinin peşəkarları ilə birgə aktual bazar problemləri və praktiki hallar müzakirə olunacaq.

Tədbirdə müzakirə olunacaq əsas məsələlər:

- Transxəzər Beynəlxalq Nəqliyyat Marşrutunun (Orta Dəhliz) inkişafı üçün yeni imkanlar,

- Azərbaycanın beynəlxalq nəqliyyat dəhlizləri üçün tranzit platforması kimi potensialı,

- Nəqliyyat marşrutunda ən mühüm həlqə kimi Qazaxıstan və Gürcüstan vasitəsilə tranzit,

- Türkiyədə logistika infrastrukturunun inkişafı,

- Regionda dəniz limanlarının və terminalların inkişafı,

- Hüquqi məsələlərdə yeni tendensiyalar. Sığorta riskləri və sair məsələlər.

Konfransla yanaşı, sərgi meydançası da təşkil olunacaq. Proqram çərçivəsində Bakı limanına ekskursiya nəzərdə tutulub.