Özbəkistan prezidenti Şavkat Mirziyoyev Azərbaycanla kapitalı 500 milyon dollar olan birgə investisiya fondunun yaradılması haqqında hökumətlərarası sazişi təsdiqləyib.

“vergiler.az” Özbəkistan mətbuatına istinadən xəbər verir ki, fərmana əsasən, sənədin icrası üçün məsul orqan İnvestisiyalar, Sənaye və Ticarət Nazirliyi (İSTN) təyin edilib.

Özbəkistan tərəfindən investisiyalar, sənaye və ticarət naziri Ləziz Kudratov və Strateji İnkişaf Agentliyinin baş direktoru, Yenidənqurma və İnkişaf Fondunun icraçı direktoru Şuxrat Vafayev investisiya fondunun direktorlar şurasının üzvləridir.

Fondun kapitalında Azərbaycanın payı 75%, Özbəkistanın payı 25% təşkil edəcək. İki ay müddətində İSTN-ə ölkənin cari ilin dövlət büdcəsi haqqında qanuna dəyişiklik etmək tapşırılıb.