Bu ilin yanvar-iyun aylarında Azərbaycandan Türkiyəyə 548,9 milyon ABŞ dolları dəyərində 957,8 min tondan çox bitumlu süxurlardan alınan xam neft və xam neft məhsulları ixrac olunub.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci ilin eyni göstəricilərini dəyər ifadəsində 4,5 dəfədən çox (428,8 milyon dollar), həcm baxımından isə 4,4 dəfəyədək (739,6 min ton) üstələyir.

Təkcə cari ilin iyun ayında bu ölkəyə 89 milyon dollar dəyərində 170 min ton xam neft məhsulları ixrac edilib ki, bu da may ayı ilə müqayisədə dəyər ifadəsində 21,48 milyon dollar (19,4 faiz), həcm olaraq isə 28,1 min ton (14,2 faiz) azdır.