Bu ilin yanvar-may aylarında Azərbaycandan Almaniyaya 354,3 milyon ABŞ dolları dəyərində 572,2 min tona yaxın bitumlu süxurlardan alınan xam neft və xam neft məhsulları ixrac olunub.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci il ilin eyni göstəricilərini dəyər ifadəsində 37,1 faiz (95,8 milyon dollar), həcm baxımından isə 63 faiz (221,1 min ton) üstələyir.

Təkcə cari ilin mayında bu ölkəyə 53 milyon dollar dəyərində 90,4 min ton xam neft məhsulları ixrac edilib ki, bu da aprel ayı ilə müqayisədə dəyər ifadəsində 467,83 min dollar (0,9 faiz) çox, həcm olaraq isə 124,5 ton (0,1 faiz) azdır.