11-14 iyul tarixlərində Rusiya Federasiyasının Adıgey Respublikasından olan sahibkarların iştirakı ilə Azərbaycana biznes missiya təşkil olunacaq.

“vergiler.az” Adıgey Respublikasının İxraca Dəstək Mərkəzinə istinadən xəbər verir ki, işgüzar səfərdə ixracı inkişaf etdirən Adıgeyin həm yeni fəaliyyətə başlayan, həm də artıq fəaliyyət göstərən əmtəə istehsalçıları iştirak edə bilərlər.

Mərkəzin direktoru Aliy Deduxovun sözlərinə görə, Azərbaycanda satış üçün perspektivli sahələr qida, tikinti və ağac emalı sənayesidir.

Biznes-missiya çərçivəsində Adıgey sahibkarlarına istehsal etdikləri məhsulların Azərbaycan bazarında potensial alıcıları ilə işgüzar danışıqların təşkilində köməklik göstəriləcək.