Bu ilin yanvar-may aylarında ölkə üzrə əhaliyə göstərilən ödənişli xidmətlərin dəyəri 2022-ci ilin müvafiq dövrü ilə müqayisədə real ifadədə 13,8 faiz artaraq 4420,6 milyon manat olub.

“vergiler.az” Dövlət Statistika Komitəsinin hesabatına istinadən xəbər verir ki, hesabat dövründə hüquqi şəxslər tərəfindən əhaliyə 3313,7 milyon manatlıq xidmət göstərilib ki, bu da xidmətlərin ümumi dəyərinin 75 faizini təşkil edib.

Cari ilin ilk beş ayında hər bir ölkə sakini orta hesabla 436 manatlıq və ya ötən ilin müvafiq dövrü ilə müqayisədə nominal ifadədə 86,4 manat çox müxtəlif ödənişli xidmətlərdən istifadə edib.