“vergiler.az”a bu barədə açıqlama verən Biznesin Davamlılığı və İnnovasiyalar Mərkəzinin Afrika üzrə prezidenti Edvard Mvaba Ndalama energetika sahəsində əməkdaşlığı önə çəkərək deyib: “Azərbaycanın Dövlət Neft Şirkəti SOCAR enerji sektorunda potensial əməkdaşlığı araşdırmaq üçün bir sıra Afrika ölkələri, o cümlədən Əlcəzair, Nigeriya və Cənubi Afrika ilə danışıqlar aparır. Əməkdaşlıq neft-qaz sənayesində birgə kəşfiyyat, hasilat və texnologiya mübadiləsi kimi sahələri əhatə edir”.

İnfrastrukturun inkişafından danışan ekspert əlavə edib ki, Azərbaycan şirkətləri Afrikada nəqliyyat, yol tikintisi və digər infrastruktur layihələrinə sərmayə qoymaqda maraqlıdırlar.
“Kənd təsərrüfatı sahəsində əməkdaşlığa gəlincə, Azərbaycan suvarma, bitkiçilik və kənd təsərrüfatı texnologiyaları kimi sahələrdə əməkdaşlığı gücləndirmək üçün müxtəlif Afrika ölkələri ilə iş aparır.
Bundan əlavə, Azərbaycan dövləti bir neçə Afrika ölkəsinə, xüsusən də təbii fəlakətlər və ya digər fövqəladə hallarla bağlı maliyyə dəstəyi, dərmanlar və s. ilə yardım göstərib”, - beynəlxalq ekspert bildirib.

Tamilla MƏMMƏDOVA