Mayın 19-da Tatarıstanın paytaxtı Kazanda “Rusiya - İslam dünyası: KazanForum 2023” XVI Beynəlxalq İqtisadi Forumu çərçivəsində “Rusiya - Azərbaycan: müasir şəraitdə iqtisadi əməkdaşlığın inkişaf perspektivləri” mövzusunda dəyirmi masa təşkil olunacaq.

“Azərbaycan iqtisadiyyatı” Teleqram kanalı Rusiyanın Azərbaycandakı Ticarət Nümayəndəliyinə istinadən xəbər verir ki, dəyirmi masada iki dövlət arasında ticarət-iqtisadi əməkdaşlığın əsas istiqamətləri müzakirə ediləcək.

Əsas mövzular sənaye və logistika əməkdaşlığının inkişafı, “Agroexpress” logistika layihəsinin perspektivləri, ticarət-iqtisadi və investisiya əməkdaşlığının inkişafı olacaq. Tərəflər həmçinin Rusiya və Azərbaycan arasında qarşılıqlı hesablaşma məsələlərini müzakirə edəcəklər.

Qeyd edək ki, “Rusiya-İslam dünyası: KazanForum - 2023” Beynəlxalq İqtisadi Forumu bu gün işinə başlayıb və mayın 21-dək davam edəcək.