Bu ilin yanvar-mart aylarında ölkədə 6 639,6 ton kərə yağı istehsal edilib ki, bu da ötən ilin eyni dövrünün göstəricisini 1,7 faiz və ya 112,6 ton üstələyir.

"vergiler.az"ın Dövlət Statistika Komitəsinin hesabatı əsasında apardığı hesablamalara görə, cari ilin fevral ayı ilə müqayisədə martda artım 6,9 faiz və ya 145,8 ton təşkil edib.

Mart ayında 2 262,6 ton kərə yağı istehsal olunub. Aprel ayının 1-nə hazır məhsul ehtiyatı isə 100,0 ton təşkil edib.

Qeyd edək ki, 2022-ci ildə ölkədə 24 733,3 ton kərə yağı istehsal olunub ki, bu da bir il öncəki göstəricidən 1 007,6 ton və ya 3,9 faiz azdır.