İqtisadi Zonaların İnkişafı Agentliyinin (İZİA) idarəçiliyində olan Yevlax Pilot Aqroparkın rezidenti “İSFA” MMC Dağıstana ting ixrac etməyi planlaşdırır. Bunu “Azərbaycan iqtisadiyyatı” Teleqram kanalına “İSFA” MMC-nin təsisçisi və direktoru Samir Xeyirbəyov deyib.

Onun sözlərinə görə, Dağıstanın müvafiq dövlət qurumları Azərbaycandan ting alaraq onu yerli sahibkarlara vermək istəyirlər. Bununla bağlı avqustun sonu -sentyabrın əvvəlində Dağıstan rəsmilərinin Azərbaycana səfəri gözlənilir. Səfər zamanı onlar ölkəmizdə tingçilik sahəsi ilə tanış olacaqlar.

Qeyd edək ki, Yevlax Pilot Aqroparkın ilk rezidenti kimi qeydiyyata alınmış “İSFA” MMC Azərbaycanın ting ixrac edən ilk şirkəti olacaq. Şirkət meyvə tinglərini Qırğızıstan, Özbəkistan və Türkmənistana da ixrac etməyi nəzərdə tutur.