19 Yanvar 2025

VERGİLƏR

SOSİAL-İQTİSADİ ONLAYN QƏZET

BƏƏ ilə birgə əməkdaşlıq üçün geniş imkanlar var

İqtisadiyyat naziri Mikayıl Cabbarov və Birləşmiş Ərəb Əmirliklərinin (BƏƏ) Əbu-Dabi Limanlar Qrupunun (“AD Ports”) baş icraçı direktoru Məhəmməd Cuma Əl-Şamisi arasında onlayn görüş keçirilib.

Nazirlikdən “vergiler.az”a verilən məlumata görə, görüşdə Azərbaycan-BƏƏ iqtisadi əməkdaşlığının müxtəlif istiqamətlər üzrə yüksələn xətlə inkişaf etdiyi, xüsusilə ticarət, investisiya və digər sahələrdə uğurlu tərəfdaşlıq münasibətlərinin olduğu vurğulanıb. İqtisadi-ticarət əlaqələrinin inkişafında hər iki tərəfdən birgə təşəbbüslərin mühüm rolu qeyd edilib və bu baxımdan “AD Ports”un yeni əməkdaşlıq münasibətlərinin qurulması yönündə səyləri müsbət qiymətləndirilib.

Diqqətə çatdırılıb ki, işğaldan azad edilmiş ərazilərimizdə, həmçinin Xəzər dənizi hövzəsində həyata keçirilən layihələr üzrə birgə əməkdaşlıq üçün geniş imkanlar var və bu sahədə işgüzar dairələrin fəal iştirak etməsi önəmlidir.

Görüşdə “AD Ports” ilə ölkəmiz arasında əməkdaşlıq perspektivləri, nəqliyyat-logistika, biznes və investisiya imkanları barədə fikir mübadiləsi aparılıb.

BƏƏ-nin Əbu-Dabi İnkişaf Holdinqinə məxsus olan “AD Ports” şirkəti 2006-cı ildə yaradılıb, dənizçilik, limanlar, iqtisadi və azad ticarət zonaları, logistika, rəqəmsal həllər istiqamətləri üzrə fəaliyyət göstərir. Regionun logistika, sənaye və ticarət sahələri üzrə əsas vasitəçilərindən olan “AD Ports” şirkəti Orta Dəhliz ölkələri ilə fəal əməkdaşlıq edir.

VergiDaşınmaz əmlak alan şəxslər üçün ƏDV-nin geri qaytarılması qaydaları VergiƏvvəlki tarixə ƏDV qeydiyyatı üçün müraciət etmək mümkündürmü? Vergiİşçilərə ödənilən yemək xərcinə görə gəlir vergisi tutulmalıdırmı? VergiYanlış ödənilmiş məcburi dövlət sosial sığorta məbləğinin geri qaytarılması VergiFərdi qaydada foto, audio-video xidmətləri göstərən şəxs ƏDV ödəyicisi ola bilərmi? VergiMənzilin kirayəsinə görə vergini kim ödəməlidir? VergiFərdi şəkildə hüquqi xidmət göstərən fiziki şəxslərin öhdəlikləri VergiYük gömrük bəyannamələri haqqında vergi oqranına məlumat verilməsi VergiTəsis sənədlərinə edilən dəyişikliklər necə rəsmiləşdirilir? Vergiİşğaldan azad edilmiş ərazilərdə uçota alınmayan şirkət vergi güzəştlərindən yararlana bilərmi?