Rusiya Federasiyasının Tümen vilayəti Azərbaycanın pərakəndə satış şəbəkələrinə alkoqolsuz içkilərin tədarükünə hazırlaşır.

“vergiler.az” Tümen vilayətinin yerli mətbuatına istinadən xəbər verir ki, bunu istehsalçı zavodun direktoru Anar Həsənov deyib.

Onun sözlərinə görə, Ticarət və Sənaye Palatası və Tümen vilayətinin İxraca Dəstək Mərkəzinin dəstəyi ilə bu kateqoriyadan olan məhsullar Türkiyə bazarına da çıxarılacaq.

Öz növbəsində Tümen vilayətinin İxraca Dəstək Mərkəzinin rəhbəri Aleksey Yerqaliyev qeyd edib ki, Azərbaycan bazarı Tümen vilayəti üçün açıqdır, lakin kompleks yanaşma tələb edir.