30 Yanvar 2023

VERGİLƏR

SOSİAL-İQTİSADİ ONLAYN QƏZET

Yaponiya Azərbaycandan zəfəran məhsulları alacaq

Yaponiya, Cənubi Koreya və Vyetnam Azərbaycanın istehsal etdiyi zəfəranı və ondan hazırlanan məhsulları almaq istəyir. Bunu “Azərbaycan iqtisadiyyatı Teleqram kanalına ölkəmizin ən böyük zəfəran istehsalçısı olan “Absheron Saffron Ltd” MMC-nin təsisçisi Xəlil Cəfərov deyib.

X.Cəfərovun sözlərinə görə, həmin ölkələr Azərbaycanın zəfəran məhsullarını bəyəndiklərini və onları idxal etmək istədiklərini açıqlayıblar. Artıq Yaponiya ilə Azərbaycan məhsullarının alınması üçün müqavilə imzalanıb. Ötən ilin sonunda ölkəmizə səfər edən Yaponiya nümayəndə heyəti Bakı şəhəri Xəzər rayonu Zirə qəsəbəsində zəfəran əkini sahəsinə baxış keçirib, şirkətin istehsal etdiyi zəfəran mürəbbəsinin texniki parametrlərini yoxlayıb: “Biz indi Yaponiyanın sifarişlə bağlı əlavə məlumatlar verməsini gözləyirik. İxracın baş tutacağı tarix Yaponiya tərəfindən asılıdır”.

X.Cəfərov əlavə edib ki, Yaponiya müqavilə imzalanmazdan əvvəl tanıtım məqsədilə Azərbaycanın məhsullarının satışını həyata keçirib və məhsulların satış səviyyəsinin yüksək olduğunu gördükdən sonra onları idxal etmək qərarına gəlib.

Şirkət təsisçisi əlavə edib ki, Azərbaycanın zəfəran məhsullarını Qətər və ərəb ölkələrinin bazarına çıxarmaq istəyən yerli iş adamları da var.

X.Cəfərov hazırda yerli zəfəran məhsullarının yalnız ölkənin daxili bazarında satıldığını, ancaq satış səviyyəsinin aşağı olduğunu bildirib.

Qeyd edək ki, 2016-cı ildən fəaliyyət göstərən “Absheron Saffron Ltd” MMC Pirallahı Sənaye Parkının rezidenti kimi qeydiyyata alınıb.

VergiSatış məqsədilə alınan əmlak əsas vəsaitlər kateqoriyasına aid edilirmi? Ekspert RəyiAvtonəqliyyat vasitələrinin əmlak vergisinə cəlb edilməsi İqtisadiyyatMMC-lərin məcburi auditdən keçməsi nəyə görə zəruridir? İqtisadiyyatƏsas kapitala yönəldilmiş vəsaitlər artıb VergiXalis mənfəətin bölüşdürülməsi necə tənzimlənir? İqtisadiyyatSafiddin Jurayev: “Yeni beynəlxalq nəqliyyat dəhlizi Azərbaycanda və Özbəkistanda yeni bazarlar açacaq” Ekspert RəyiKənd təsərrüfatı məhsulu istehsalçısından mal aldıqda rəsmiləşdirmə və verginin hesablanması İqtisadiyyatİqtisadiyyat nazirinin birinci müavini Göyçayda vətəndaşları qəbul edəcək İqtisadiyyatSİF tərəfindən ötən il kiçik və orta həcmli layihələrə 104,2 milyon manat güzəştli kredit verilib VergiƏDV vaxtında ödənilmədikdə hansı sanksiya tətbiq olunur?