Dünya Bankı 2023-cü ildə Azərbaycanda ümumi daxili məhsulun (ÜDM) 2,8 faiz artacağını gözləyir ki, bu da iyun ayı proqnozundan 0,6 faiz bəndi çoxdur.

“vergiler.az” xəbər verir ki, bu barədə Dünya Bankının “Qlobal İqtisadi Perspektivlər” hesabatında bildirilir.

Bank gələn il üçün də gözləntilərini 2,3 faizdən 2,6 faizə yüksəldib.

Proqnozlara görə, 2023-cü ildə qlobal iqtisadiyyat 1,7 faiz (-1,3 faiz), 2024-cü ildə isə 2,7 faiz (-0,3 faiz) artacaq.

İqtisadi artımda kəskin yavaşlama geniş miqyasda olacaq. 2023-cü il proqnozuna aşağıya doğru yenidən baxılması inkişaf etmiş iqtisadiyyatların 95 faizi, inkişaf etməkdə olan iqtisadiyyatların isə təxminən 70 faizini əhatə edib.

Bank analitiklərinin fikrincə, yüksək inflyasiya, yüksək faiz dərəcələri, investisiyaların azalması və Rusiya-Ukrayna müharibəsinin səbəb olduğu tədarük zəncirlərinin pozulması fonunda qlobal iqtisadiyyatda artım kəskin şəkildə yavaşlayır.

İqtisadi vəziyyətin qeyri-sabitliyini, hər hansı yeni əlverişsiz amilin meydana çıxmasını, məsələn, inflyasiyanın gözləntiləri üstələməsini nəzərə alaraq, onu saxlamaq üçün faiz dərəcələrinin kəskin artması, COVID-19 pandemiyasının yeni dalğası və ya geosiyasi gərginliyin artması qlobal iqtisadiyyatı tənəzzülə sürükləyə bilər.

Bu o deməkdir ki, 80 ildən artıq müddətdə ilk dəfə on il ərzində iki qlobal tənəzzül ola bilərdi.

İnkişaf etmiş ölkələrdə artımın 2022-ci ildəki 2,5 faizdən 2023-cü ildə 0,5 faizə enəcəyi proqnozlaşdırılır. Bu, iyun ayı proqnozundan 1,7 faiz aşağıdır.

İnkişaf etməkdə olan bazar və inkişaf etməkdə olan iqtisadiyyatlarda, Çin istisna olmaqla, artım 2022-ci ildəki 3,8 faizdən 2023-cü ildə 2,7 faizə qədər yavaşlayacaq. Bu, xarici tələbin əhəmiyyətli dərəcədə zəifləməsi, yüksək inflyasiya, valyutaların ucuzlaşması, kredit şərtlərinin sərtləşməsi və ölkələr daxilində digər məhdudlaşdırıcı amillərlə bağlıdır.

2023-cü il üçün proqnoz əvvəlkindən 0,8 faiz aşağıdır.