Bu ilin yanvar-oktyabr aylarında Azərbaycandakı təsərrüfatlarda 199,1 min ton pambıq istehsal olunub.

“vergiler.az” Dövlət Statistika Komitəsinin hesabatı əsasında apardığı hesablamalarına görə, bu göstərici ötən ilin müvafiq dövrünə nisbətən 15,2 min ton və ya 8,2 faiz artıb.

Hesabat dövründə 80 min hektar sahədə pambıq əkilib ki, bu da ötən ilin eyni dövrünün göstəricisindən 8,5 faiz çoxdur.

Bununla yanaşı, cari ilin ilk 10 ayında pambıq yığımında məhsuldarlıq 24,9 sentner təşkil edib. 2021-ci ilin yanvar-oktyabr aylarının göstəricisinə nisbətdə 0,1 sentner və ya 0,4 faiz azalma müşahidə olunub.