Bu ilin oktyabr ayında Azərbaycandan 13 802.39 min dollar dəyərində 18 841.33 ton xurma ixrac edilib. "vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, sentyabr ayı ilə müqayisədə dəyər ifadəsində 14 dəfədən, həcm ifadəsində isə 15 dəfədən çoxdur.

Ümumilikdə cari ilin yanvar-oktyabr ayları ərzində ölkədən 44 417.66 min ABŞ dolları dəyərində 59 137.56 ton məhsul ixrac olunub. Bu, 2021-ci il ilin eyni dövrünün göstəricisi ilə müqayisədə dəyər ifadəsində 18 faiz, həcm baxımından isə 21,3 faiz azdır.

Qeyd edək ki, cari ilin ilk 10 ayında xurmanın ümumi ixracda xüsusi çəkisi 0,13 faizə, qeyri-neft məhsullarının ixracında çəkisi isə 1,86 faizə bərabər olub.