28 İyun 2022

VERGİLƏR

SOSİAL-İQTİSADİ ONLAYN QƏZET

Azərbaycanla Özbəkistan arasında ticarət dövriyyəsinin həcmi artır

Azərbaycan Respublikası Prezidenti İlham Əliyevin Özbəkistan Respublikasına dövlət səfəri iki ölkə arasında əməkdaşlığın yeni üfüqlərini müəyyənləşdirir. Səfərin nəticələri barədə fikirlərini bölüşən millət vəkili Vüqar Bayramov qeyd edib ki, Türk Dövlətləri Təşkilatının üzvü olan iki ölkə arasında son illərdə münasibətlərin daha da dərinləşməsi müşahidə olunur. “İqtisadi əlaqələrə gəldikdə isə ötən il iki ölkə arasında ticarət dövriyyəsi 111 milyon 903 min dollar olub. Bu, 2020-ci ilə nisbətən 16 faiz artım deməkdir. Azərbaycan və Özbəkistan pandemiya dövründə də öz aralarındakı qarşılıqlı ticarət dövriyyəsini qoruyub saxlaya və hətta artıra biliblər. 2019-cu ildə iki ölkə arasında dövriyyənin həcmi 81 milyon 962 min dollar olduğu halda, 2020-ci ildə bu göstərici 82 milyon 318 min dollar oldu”.

V.Bayramov əlavə edib ki, 2021-ci ildə Azərbaycan Özbəkistandan 78 milyon 431 min dollarlıq mal idxal edib. Bu əvvəlki ilə nisbətən 32,5 faiz artım deməkdir. Azərbaycan isə Özbəkistana ötən il 33 milyon 490 min dollarlıq mal ixrac etdib ki, burada 44,9 faizlik artım qeydə alınıb.

“Xarici ticarət əlaqələrinin struktruna gəldikdə, ötən il Azərbaycan Özbəkistandan 4 milyon 862 min dollarlıq televiziya qəbulediciləri, 2 milyon 628 min dollarlıq məişət kondisionerləri alıb. Bununla bərabər, təzə meyvə (829 min dollar), paltaryuyan maşınlar (538,7 min dollar), kağız və kartondan sanitar-gigiyenik məmulatlar (504,9 min dollar), ayaqqabı (131,9 min dollar), təzə tərəvəz (51,1 min dollar) də idxal məhsulları arasındadır. Ötən il Azərbaycan Özbəkistana 7 milyon 51 min dollarlıq şəkər məhsulları göndərib”, - V.Bayramov vurğulayıb.

Millət vəkilinin sözlərinə görə, son dövlət səfəri ölkələrimiz arasında münasibətlərin daha dinamik inkişaf etməsinə zəmin yaradacaq və tərəflər qarşılıqlı olaraq mövcud potensialdan daha çox faydalanacaqlar.

VergiAmortizasiya ayırmalarının gəlirdən çıxılması İqtisadiyyatBeş ayda Azərbaycanda ümumi daxili məhsul 7,2 faiz artıb İqtisadiyyatYanvar-may aylarında xarici ticarət dövriyyəsi 20 milyard dollardan çox olub Vergiİxrac qeydi ilə satış həyata keçirən şəxslərə hansı tələblər qoyulub? İqtisadiyyatYanvar-may aylarında qeyri-neft məhsullarının ixracı 30,9 faiz artıb Vergi“Biznesə daxilolma” İşçi qrupunun iclası keçirilib İqtisadiyyatAzərbaycanda “İT-Akademiya” fəaliyyətə başlayır İqtisadiyyatDaşkənddə Özbəkistan-Azərbaycan biznes forumu keçirilib İqtisadiyyatMobil telefon cihazları bazarında araşdırmalar davam etdirilir VergiYay Təcrübə Proqramının qrup tapşırıqları mərhələsi keçirilib