19 İyul 2024

VERGİLƏR

SOSİAL-İQTİSADİ ONLAYN QƏZET

Avropa İttifaqının Azərbaycana dəstəyi artır

Avropa İttifaqı (Aİ) Şurasının Prezidenti Şarl Mişelin vasitəçiliyi ilə Azərbaycan Prezidenti İlham Əliyev və Ermənistanın baş naziri Nikol Paşinyan arasında Brüsseldə təşkil edilən görüş Avropanın regionda təsir imkanlarının və nüfuzunun daha da artmasından xəbər verir. Millət vəkili Vüqar Bayramov Avropa İttifaqı ilə Azərbaycanın ticarət əlaqələrinin vəziyyətini şərh edərək bildirib ki, Aİ region ölkələrinin əsas ticarət tərəfdaşı olaraq qalır.

Azərbaycanın ümumi ticarət dövriyyəsində Aİ-nin payı 36,7 faiz, Gürcüstanın ümumi ticarət dövriyyəsində 23,9 faiz, Ermənistanın ümumi ticarət dövriyyəsində isə 18 faiz təşkil edir. Aİ pandemiyadan əvvəlki il, yəni 2019-cu ildə Azərbaycanda 2,6 milyard, Gürcüstanda 1,2 milyard, Ermənistanda isə 1 milyard avro sərmayə qoyub.

Bölgədə, eləcə də dünyada formalaşan yeni reallıq fonunda Aİ-nin Azərbaycana dəstəyinin daha da artması müşahidə olunur. Qurum iqtisadi əlaqələri genişləndirməklə yanaşı, işğaldan azad olunmuş ərazilərin minalardan təmizləməsi, itkin düşmüş şəxslərin tapılması, o cümlədən bərpa və quruculuq işlərində ölkəmizə daha yaxından dəstək olmağı planlaşdırır.

Son Brüssel görüşü də təsdiq etdi ki, münaqişənin həllinə ən çox dəstək ola biləcək qurum Aİ-dir. Bu nüfuzlu beynəlxalq təşkilatın rəsmi mövqeyi regionda daha qısa zamanda sülhün bərqərar olacağına xidmət edir. Digər tərəfdən, həm Azərbaycan, həm də Ermənistan münaqişənin həllində Avropaya etimad göstərir ki, bu da sülhün əldə edilməsi imkanlarını genişləndirməklə yanaşı, prosesin intensivləşməsinə şərait yaradır. Qərəzsiz və bitərəf mövqe nümayiş etdirməyə çalışan Aİ dünyada mövcud olan ən böyük siyasi və iqtisadi mərkəzlərdən biri olmaqla son illər öz təsir dairəsini genişləndirməkdədir.

Azərbaycan hər zaman Avropa ilə əməkdaşlığın genişlənməsinə önəm verib. Etiraf etmək lazımdır ki, Aİ Şurasının Prezidenti Şarl Mişellə Azərbaycan Prezidentinin yaxın təmasları, mütəmadi telefon danışıqları və rəsmi dialoqların təşkil edilməsi Cənubi Qafqaz regionunda sülh və sabitliyin bərqərar olmasında mühüm rol oynayır. Son görüşün nəticələri regionda artıq yeni düzənin formalaşmasından və onun dərinləşəcəyindən xəbər verir.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?