18 May 2022

VERGİLƏR

SOSİAL-İQTİSADİ ONLAYN QƏZET

“İqtisadi İslahatlar” elmi-analitik jurnalının ilk sayı nəşr olunub

Cari ilin noyabr ayından etibarən İqtisadi İslahatların Təhlili və Kommunikasiya Mərkəzi (İİTKM) tərəfindən “İqtisadi İslahatlar” elmi-analitik jurnalının nəşrinə başlanılıb.

Mərkəzdən bildirilib ki, jurnalın ilk sayında “Xammal ixrac edən ölkələrdə real effektiv məzənnənin tarazlığı: Azərbaycan təcrübəsi”, “Pandemiya şəraitində qeyri neft-qaz ixracı: mövcud vəziyyətin təhlili”, “Monitorinq və qiymətləndirmənin dövlət idarəçiliyinin təkmilləşdirilməsində rolu”, “Bank sektorunda strateji inkişaf trendləri”, “Müasir iqtisadi inkişafda hökumətin rəqəmsal transformasiyasının rolu”, “Rəqəmsal iqtisadiyyatın inkişafı: Azərbaycanda rəqəmsal iqtisadiyyatın cari vəziyyəti və gələcək perspektivlər”, “Korporativ idarəetmədə əməliyyatların idarə olunması”, “Azərbaycan və Türkiyə arasında iqtisadi əməkdaşlığın yeni mərhələsi”, “Dövlət Nəzarəti İnformasiya Sistemi: İdarəçilik islahatlarına rəqəmsal dəstək” və “Azərbaycanda tətbiq edilən özünüməşğulluq proqramının sosial-iqtisadi inkişafda rolu” kimi aktual mövzuları əhatə edən elmi-analitik məqalələr verilib.

“İqtisadi İslahatlar” jurnalının müntəzəm olaraq nəşr edilməsi planlaşdırılır. Jurnalda əsasən Azərbaycan, rus və ingilis dillərində iqtisadiyyata aid məqalələr dərc ediləcək.

Məlumat üçün qeyd edək ki, İqtisadi İslahatların Təhlili və Kommunikasiya Mərkəzinin məqsədi ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzun müddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycan Respublikasının nailiyyətlərinin təbliğini təşkil etməkdən ibarətdir. Məhz İİTKM nizamnaməsinə uyğun olaraq ölkədə həyata keçirilən islahat tədbirləri ilə bağlı ictimaiyyəti məlumatlandırır, elmi-analitik jurnal, bülleten buraxır, internet səhifəsi yaradır, kitablar, məqalələr və digər materiallar nəşr edir. “İqtisadi islahatlar” jurnalı da İİTKM qarşısına qoyulan məqsədlərə uyğun olaraq hazırlanıb.

“İqtisadi İslahatlar” jurnalı ilə https://ereforms.gov.az/az/neshrler/iqtisadi-islahatlar-jurnali linki vasitəsilə İİTKM saytından tanış olmaq olar.

İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrVergi daxilolmalarının artması ölkədə aparılan iqtisadi islahatlarla bağlıdır İqtisadiyyatAvropa İttifaqı-Azərbaycan biznes forumu keçirilib VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ