11 Aprel 2021

VERGİLƏR

SOSİAL-İQTİSADİ ONLAYN QƏZET

Azərbaycanda nağdsız ödənişlərin həcmi artır

Mərkəzi Bankdan verilən məlumata görə, 2021-ci ilin fevral ayı ərzində bütün ölkə üzrə ödəniş kartları ilə aparılan nağdsız əməliyyatların ümumi həcmi 626 milyon manat olub. Bu, yanvar ayı ilə müqayisədə 41 milyon manat çoxdur.

Fevralda POS-terminallar vasitəsilə aparılan nağdsız əməliyyatların həcmi 252 milyon, bankomatlar vasitələrə ödənişlər isə 37 milyon manat təşkil edib. Həmin ayda elektron ticarətin həcmi isə 329 milyon manat olub.

Bu ilin fevral ayında debet və kredit kartları vasitəsilə aparılan əməliyyatların həcmi də artaraq 2 milyard 959 milyon manata çatıb. Xatırladaq ki, yanvarda bu rəqəm 2 milyard 237 milyon manat olmuşdu.