Cari ilin yanvar-avqust aylarında əsas kapitala yönəldilmiş vəsaitlərin 6 milyard 642,6 milyon manatı və ya 72,9 faizi bilavasitə tikinti-quraşdırma işlərinin yerinə yetirilməsinə sərf olunub.
Dövlət Statistika Komitəsindən verilən məlumata əsasən, əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 51 faiz, büdcə vəsaitləri 34,5 faiz, əhalinin şəxsi vəsaitləri 7,2 faiz, digər vəsaitlər 4,4 faiz, bank kreditləri isə 2,9 faiz təşkil edib.