17 May 2022

VERGİLƏR

SOSİAL-İQTİSADİ ONLAYN QƏZET

Dövlət Vergi Xidmətinin rəisi Filippinin fövqəladə və səlahiyyətli səfiri ilə görüşüb

İqtisadiyyat Nazirliyi yanında Dövlət Vergi Xidmətinin rəisi Orxan Nəzərli Filippinin ölkəmizdəki fövqəladə və səlahiyyətli səfiri xanım Maria Elena P.Algabre ilə görüşüb.

Görüşdə qarşılıqlı münasibətlərin inkişafının vacibliyi vurğulanıb, bu ilin mart ayında Azərbaycanla Filippin arasında diplomatik münasibətlərin 30 ilinin tamam olduğu qeyd edilib.

Söhbət zamanı bildirilib ki, vergi sahəsində beynəlxalq əlaqələrin inkişaf etdirilməsi, xarici ölkələrin vergi administrasiyaları ilə əməkdaşlığın genişləndirilməsi, vergi qanunvericiliyi və inzibatçılığının qabaqcıl beynəlxalq təcrübə əsasında təkmilləşdirilməsi, mütərəqqi təcrübələrin Azərbaycanda tətbiqi imkanlarının öyrənilməsi Dövlət Vergi Xidmətinin fəaliyyətində prioritet istiqamətlərdəndir. O.Nəzərli DVX-nin xüsusilə rəqəmsal vergi inzibatçılığının inkişaf etdirilməsində Filippin təcrübəsi ilə yaxından maraqlandığını diqqətə çatdırıb, bu sahədə məlumat mübadiləsinin zəruriliyini qeyd edib.

Görüşdə həmçinin iki ölkə arasında ikiqat vergitutmanın aradan qaldırılması sahəsində müvafiq Sazişin imzalanması imkanlarının öyrənilməsinin vacibliyi vurğulanıb.

Maria Elena P.Algabre ölkələrimiz arasında qarşılıqlı dostluq və əməkdaşlıq münasibətlərinin gələcəkdə daha da inkişaf etdirilməsinin zəruriliyini diqqətə çatdırıb, ikiqat vergitutmanın aradan qaldırılması və rəqəmsal vergi inzibatçılığı sahəsində əməkdaşlıq imkanları ilə bağlı qaldırılan məsələlərin araşdırılacağını və müvafiq işlərin görüləcəyini qeyd edib.

Görüşdə qarşılıqlı maraq doğuran digər məsələlər ətrafında fikir mübadiləsi aparılıb.

VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ İqtisadiyyatİstedadlarla karyera yolları arasında körpü MüsahibələrMehdi Babayev: Şəffaflıq istiqamətində vergi tətbiqləri vergi ödəmə mədəniyyətini formalaşdırıb MÜSAHİBƏ VergiDövlət Vergi Xidmətinin rəisi bank sektorunun nümayəndələri ilə görüşüb