19 Mart 2024

VERGİLƏR

SOSİAL-İQTİSADİ ONLAYN QƏZET

ƏDV ödəyicisinin qeydiyyatdan çıxması

İllik dövriyyəsi az olan əlavə dəyər vergisi (ƏDV) ödəyicisinin qeydiyyatdan çıxması üçün tələb olunan şərtlərlə bağlı sualı iqtisadçı ekspert Mahmud Abasquliyev cavablandırır.

Sualın mahiyyətinin daha aydın başa düşülməsi üçün misala müraciət edək. Tutaq ki, kiçik sahibkarlıq subyekti olan “ZZ” MMC 2019-cu ildə həm mənfəət vergisi, həm də 18 faiz dərəcə ilə ƏDV ödəyicisi kimi fəaliyyətə başlayıb. Lakin müəssisənin illik dövriyyəsi nəzərdə tutulduğundan az olub. Bu səbəbə görə “ZZ” MMC ƏDV ödəyicisi kimi qeydiyyatdan çıxa bilərmi?

Bu məsələ Vergi Məcəlləsinin 158-ci maddəsi ilə tənzimlənir. 158.2-ci maddənin müddəalarına əsasən, vergi ödəyicisinin vergiyə cəlb olunan əməliyyatlarının ümumi məbləği əvvəlki tam 12 təqvim ayı ərzində 100.000 manatdan çox deyilsə, bu Məcəllənin 158.1-ci (o cümlədən Vergilər Məcəlləsinin 218.1.2-ci və 218.4.1-ci) maddəsində nəzərdə tutulan hallar istisna edilməklə, vergi ödəyicisi ƏDV-nin məqsədləri üçün son qeydiyyatın qüvvəyə mindiyi tarixdən bir il keçdikdən sonrakı istənilən vaxt qeydiyyatın ləğv olunmasına dair ərizə verə bilər. Beləliklə, “ZZ” MMC-nin vergiyə cəlb olunan əməliyyatlarının həcmi əvvəlki tam 12 təqvim ayı ərzində (fəaliyyətin müvəqqəti olaraq dayandırıldığı aylar da daxil olmaqla) 100.000 manatdan çox olmadığı halda ƏDV-nin məqsədləri üçün qeydiyyatın ləğv olunması barədə ərizə təqdim edə bilər.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb