29 Mart 2024

VERGİLƏR

SOSİAL-İQTİSADİ ONLAYN QƏZET

Dövlət tərəfindən maliyyə dəstəyinin verilməsi sahibkarın yükünü azaltmış oldu

Prezident İlham Əliyevin "Koronavirus pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" Sərəncamına əsasən, iqtisadiyyatın müxtəlif sahələrinə, o cümlədən sahibkarlığa dövlət dəstəyinin göstərilməsi ilə bağlı proqramların hazırlanmasını və icra edilməsini biznes ictimaiyyəti böyük razılıqla qarşılayıb.

Rəşad Camalov, "ABC Telecom" MMC-nin maliyyə direktoru: "Ticarət obyektlərinin karantin rejimində bağlı olması orada çalışan bir çox əməkdaşımızın müvəqqəti işsiz qalmasına gətirib çıxarmışdır. Bu əməkdaşlarımızın əməkhaqqının bir hissəsinin dövlət tərəfindən ödənilməsi həm özəl şirkət olaraq bizim yükümüzü azaltmış, həm də əməkdaşlarımızın aprel ayı üzrə əsas tələbatlarının qarşılanmasına yardımçı olmuşdur. Bu çətin dövrdə hökumətin öz vətəndaşlarının və özəl sektorun yanında durmasını alqışlayır və dövlətimizinin başçısına bu təşəbbüsə görə minnətdarlığımızı bildiririk".

Azad Məmmədov "İrşad-İ.R" MMC-nin direktoru: "Pandemiyanın yayılmasına qarşı həyata keçirilən tədbirlərlə bağlı yaranmış vəziyyətlə əlaqədar olaraq, bizim müəssisə də zərərçəkmişlərin arasındadır. Biz pərakəndə satış sahəsində fəaliyyət göstəririk və satış dayandığına görə çətinliklə üzləşdik. Buna görə maliyyə yardımı üçün müraciət etdik və operativ şəkildə dövlətin dəstəyindən yararlandıq. Lazım olan vəsait dərhal müəssisəmizin bank hesabına köçürüldü. Bu nəcib əmələ görə işçilərimiz adından dövlət başçısına təşəkkürümüzü bildiririk".

Elmar Cəfərov, "İndiqo" MMC-nin baş mühasibi: "COVİD-19 virusunun ölkəmizdə geniş yayılmasının qarşısının alınması üçün cənab Prezident tərəfindən müəyyənləşdirilən qabaqlayıcı tədbirlər çərçivəsində sahibkarlara və vətəndaşlara dəymiş ziyanın qarşısının alınması məqsədilə maddi və mənəvi dəstək verilib. Şirkətimizə göstərilən maddi dəstəyə görə ölkə rəhbərliyinə kollektivimiz adından dərin minnətdarlığımızı bildiririk. Bu addımın atılması ölkəmizdə düzgün iqtisadi siyasətin aparıldığını bir daha sübut edir".

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb