Norveçdə keçən il satılan yeni avtomobilərin 54,3 faizi elektriklə işləyən avtomobillər olub
Dünyanın bir sıra inkişaf etmiş ölkələri, eləcə də Norveç elektriklə işləyən avtomobillərin satışının təşviqi üçün ciddi stimullaşdırıcı tədbirlər görür, vergi güzəştləri tətbiq edir. Bunun sayəsində 2020-ci ildə ölkədə satılan yeni avtomobillərin 54,3 faizi elektriklə işləyən avtomobillər olub. Norveç Yol Federasiyasının məlumatına əsasən, bu rəqəm 2019-cu ildə 42,4 faiz olmuşdu.
2019-cu illə müqayisədə 2020-ci il ərzində Norveçdə dizellə işləyən avtomobillərin satış nisbəti 16 faizdən 8,6 faizə, benzinlə işləyən avtomobillərin satış nisbəti 15,7 faizdən 8 faizə düşüb. Hibrid avtomobillərin payı isə artaraq 25,9 faizdən 29,1 faizə yüksəlib.
2025-ci ildə yanacaqla işləyən avtomobillərdən istifadə etməyə qadağa qoymağı planlaşdıran Norveçdə hazırda yanacaqla işləyən avtomobillərin satışından daha yüksək dərəcə ilə vergi tutulur.
